Me glaubts fascht nid: Dr Falk wird hüt 50 Joor alt!
Doch s’isch eso, und au er het’s inzwüsche gschnallt.
Die letschte Wuche het er miesse langsamer mache,
wäg däm het er aber nie ufghört lache.
Dr «Gisi» isch e wohri Frohnatur,
am liebschte het er Rieblitorte mit Glasur.

Als Chef vo ASS in Bärn hett er d Fäde in dr Hand,
souverän fiehrt er de Lade, meischtens sehr entspannt.
Er weiss hoorgenau, was im Schwiizer Rennsport lauft.
Privat het er sich vor Joore es Hüsli im Fribourgische kauft.
Z Bärn isch er by jedem Sportalass bekannt,
logisch, er isch jo au dr Chef vom Verband.

Friehner isch er in dr Nati im Goal gstande,
Nid im FC, im Unihockey, wohlverstande.
Als Coach het er’s au zimmli schnäll begriffe,
und au als Schiri het er immer ordentlig pfiffe.
Ohni ihn wär Unihockey – und das mein ich so,
immer no e Randsportart im Nirgendwo.

Als Chef stoht er do wie-n-e Fels in dr Brandig,
in de Ferie liegt er lieber am Pool, er mags nid sandig.
Am liebschte verbringt er sy Zyt in Dubai,
nach zwei Wuche chunnt er aber gärn wieder hei.
Sini Mitarbeiter chönne immer uf ihn zelle,
Eimol im Joor dörfe sie by Erima bstelle…

Drum: Happy Birthday, Gisi!
Uf die nächschte 50 Joor – nimm’s easy!